பணப்போர் வீரன்

இந்த போரில்
உதிர்ந்தது உறவு
எறி(ரி)ந்தது நட்பு
புதைந்தது காதல்

இந்த போராட்டத்தால்
நகராமல்
மண்டியிட்டு
சண்டித்தனம் செய்கிறது
என் கற்பனை குதிரை கூட

காசை பாத்தா
கண்ணு மண்ணு தெரியாது
உறவினர்கள் ஒன்றுகூடி வழங்கிய
பாராட்டுபத்திரம் வேறு .

சக போராளி
தோற்கும்போதெல்லாம்
ஏனோ என்னையும்
எதிரியாய் எண்ணுகிறான்

மனக்காயங்களுக்கு
மருந்திடும் நாட்களுக்குகூட
மருத்தவரிடம் மன்றாடி நிற்கிறேன்
விடுப்பு தடுப்புசீட்டு வேண்டி

என்னை நானே
அந்நிய நிறுவனத்திற்கு
அடிமையக்கவா
அடமானம் வைக்கவா
இந்த போராட்டம்.

ஈட்டிய லட்சங்களுக்காய்
இழந்தவை கோடி.